a binalaybay by Roger B Rueda
Ang mga bata nagabarangisi
samtang sila nagataksi –
ang ila tingong gapalanglapaw,
hala daw walay katapusan
nga kinalipay, nga binahigay,
ang ila mga nanay
saku inistoryahanay –
nagahingutänay,
nagalinagsanay,
nagasinuyaay,
kag nagalibakanay.
Sa punta ayon may nagatumpok
nga higku sang idu, ginalangawan,
may ara man nga ginlapta
sang nagägi nga salakyan,
mauluaslum sa panimahuan.
Dugaydugay inaway,
singgitanay.
Dala lang ina sang hilab sang tiyan
kay may ara pa nga
wala pa kapamahaw
kay indi na sila pagpautangon sang
tupad-balay kay wala pa nakayö
ang sikad nga ginaarkilahan sang ila amay.
Taksi means coin game. A player has to knock all the coins in a grid, from the starting point.
No comments:
Post a Comment