a binalaybay by Roger B Rueda
Sa ukay-ukay, ukay-ukay gid ang tanan.
Ukay diri, ukay didto.
May ara nga nagaluhod
sang pili, may ara nga daw wala
pakadtuan, ang iban galalambing
na sang ila napilian.
May ara man nga ginakagab-ihan.
May ara man nga nagaagiagi lang,
kuno abi wala sia iya gasuksok
bayo halin sa ukay-ukay.
Dugaydugay, ang bata
sang haciendera
nag-abot kag nangukay man.
Amo man ang sosyalera
nga manunulat sang pagkaon
kag tag-iya sang mga bantog
nga kalan-an.
Sa ukay-ukay, ukay-ukay gid ang tanan.
No comments:
Post a Comment